لە سنووری ئیدارەی سۆران کرایە پشوو

 

هەڵگورد شێخ نەجیب، سەرپەرشتیاری ئیدارەی سەربەخۆی سۆران بە تۆڕی میدیایی رووداوی راگەیاند "بۆ سەلامەتی گیانی فەرمانبەران و هاووڵاتیان جگە لە (تیمەکانی پاراستنی رێگەوبان، خزمەتگوزاری، شارەوانی، بەرگریی شارستانی، چاکردنەوەی ئاو و کارەبا لەگەڵ ئێشکگری نەخۆشخانەکان)  لە زۆربەی قەزا و ناحیەکانی سنووری ئیدارەی سەربەخۆی سۆران رۆژی پێنجشەممە 20-1-2022 پشووی فەرمییە."

 

لە ماوەی 72 کاژێری رابردوودا زیاتر لە مەتر و نیوێک بەفر لە رێگەی گشتیی هاملتۆن راماڵدراوە و کۆی بەفری باریوی ئەمساڵی سنووری حاجی ئۆمەران گەیشتە 2 مەتر و 20 سانتیمەتر، سێ رۆژە بەفر ئاڵوگۆڕی بازرگانی و گەشتیاری نێوان هەرێمی کوردستان و ئێرانی لەو دەروازەی حاجی ئۆمەران پەکخستووە.

 

بۆ ئەوەی هاتووچۆی ئۆتۆمبێل بکەوێتەوە کار، ماوەی سێ رۆژە بە بەردەوامی بەفری سەر رێگەکانی نێوان هامڵتۆب- حاجی ئۆمەران لادەبرێن.

 

پلەی گەرمی شەوانە تاوەکو 17 پلەی ژێر سفری سیلیزی دادەبەزێت، لە رۆژیشدا تاوەکو 12 پلەی ژێر سفر دادەبەزێت.