پۆلیسی ئاکرێ: ژنێک لەلایەن هاوژینەکەیەوە خنکێندرا

 

موقەدەم عیماد حوسێن، گوتەبێژی پۆلیسی ئاکرێ، بە تۆڕی میدیایی رووداوی گوت "رووداوەکە ئەمڕۆ (سێشەممە، 18-3-2025) لە سنووری ناحیەی گردەسێن روویداوە و هێزەکانمان توانیان دەستبەجێ تۆمەتبار دەستگیربکەن".

 

بەگوتەی گوتەبێژی پۆلیسی ئاکرێ، ئەو ژنەی خنکێندراوە ناوی (ل. م. ی.)ـە و تەمەنی 29 ساڵە. 

 

گوتیشی: "تۆمەتبارەکە هاوژینەکەیەتی بەناوی (ئـ. ح. ع.) و تەمەنی 37 ساڵە."

 

تەرمی قوربانییەکە رەوانەی دادپزیشکیی دهۆک کراوە و پۆلیسی ئاکرێ پەڕاوی لێکۆڵینەوەی بۆ تۆمەتبارەکە کردووەتەوە.