سەرۆک بارزانی: ئاڵای کوردستان بەهایەکی هاوبەشی کوردستانیانە
رووداو دیجیتاڵ
سەرۆک مەسعود بارزانی بە بۆنەی رۆژی ئاڵای کوردستانەوە پەیامێک بڵاودەکاتەوە و دەڵێت، "ئاڵای کوردستان بەهایەکی هاوبەشی خەڵکی کوردستان و هێمای قوربانیدان و ئاشتیخوازی و پێکەوەژیانی کوردستانیانە."
رۆژی 19-06-2004، پەرلەمانی کوردستان رۆژی 17-12ـی هەموو ساڵێکی وەکو رۆژی ئاڵا دیاریکرد؛ بڕیارەکە لە لایەن سەرۆکی حکومەتی هەرێمی کوردستان و سەرۆکی هەرێمی کوردستانەوە پەسندکرا؛ ئیستا ساڵانە بە رێوەڕەسمی جیاواز رۆژەکە بەرز رادەگیرێت.
ئەمڕۆ شەممە، 17-12-2022، سەرۆک مەسعود بارزانی پیرۆزبایی رۆژی ئاڵای کوردستانی "لە هەموو هاووڵاتییانی کوردستان" کرد و راشیگەیاند، "ئاڵای کوردستان بەهایەکی هاوبەشی خەڵکی کوردستان و هێمای قوربانیدان و ئاشتیخوازی و پێکەوەژیانی کوردستانیانە."
دەقی پەیامەکەی سەرۆک مەسعود بارزانی:
بەناوی خودای مەزن و دلۆڤان
ئاڵای کوردستان بەهایەکی هاوبەشی خەڵکی کوردستان و هێمای قوربانیدان و ئاشتیخوازی و پێکەوەژیانی کوردستانیانە. ڕۆژی ئاڵا لە هەموو هاووڵاتیانی کوردستان پیرۆز بێت.
مسعود بارزانی
17ی کانوونی یەکەمی 2022