پۆلیسی راپەڕین: تەرمی کەسێکمان دۆزییەوە کە بە فیشەک کوژراوە

 

ئەمڕۆ شەممە، 17-12-2022، شۆڕش ئیسماعیل، گوتەبێژی پۆلیسی راپەڕین هەواڵی "کوژرانی" ئەو هانیشتمانییەی بۆ رووداو پشتڕاستکردەوە و رایگەیاند، "لەکاتی چوونی بۆسەر کار لە نزیک گۆڕستانی قەڵادزێ لەسەر شۆفڵەکەی بە دەستڕێژی گولـلە کوژراوە و شوێنی دوو گولـلە بە جەستەیەوە دیارە."

 

ئەبوبەکر ئیسماعیل، پەیامنێری رووداو لە رانیە رایگەیاند، هاونیشتمانییەکە ناوی شوان محەممەد مەمەندە، پێنج منداڵی هەیە و دانیشتووی گوندی تەنگژە بووە لە سنووری قەڵادزێ.

 

عومەر عەبدولڕەحمان، ئامۆزای هاونیشتمانییە "کوژراوەکە" بە رووداوی گوت، ئامۆزاکەی "بە فیشەک کوژراوە". دەشڵێت، تائێستا نازانن کێ کوشتوویەتی و هۆکاری کوشتنەکەیشی دیار نییە.

 

ئەو هاونیشتمانییە لە لیوای 7ـی سەر بە وەزارەتی پێشمەرگە دەوامی کردووە. گوتەبێژی پۆلیسی راپەڕێن دەڵێت، دوای رووداوەکە هێزەکانیان لە پۆلیس و بە هاوکاریی هێزەکانی ئاسایش گەیشتنە شوێنی رووداوەکە و لێکۆڵینەوەیان دەستپێکردووە.