%40ـى کارتى دەنگدان لە هەرێمى کوردستان وەرگیراونەتەوە

 

بەگوێرەى راپۆرتێکى کۆمیسیۆنى باڵاى سەربەخۆى ھەڵژاردنەکانى عێراق، لە نزیکەى پێنج مانگدا، 818 هەزار و 997  کارتى بایۆمەتریى دەنگدان لە هەرێمى کوردستان ئامادە کراون، 330 هەزار و 381 کارت وەرگیراونەتەوە و 488 هەزار و 616 لە ناوەندەکان ماون وەربگیرێنەوە.

 

ئەو ئامارە بۆ ژمارەى دروستکردنى کارتى بایۆمەترى دەنگدان بووە لە یەکى کانوونى دووەم تاوەکو 16ى ئایارى 2024. 

 

بەگوێرەى ئەو ئامارە، 23.2٪ کارتەکانى بایۆمەترى دەنگدان لە هەولێر وەرگیراونەتەوە، 67.6٪یان لە ناوەندەکانى دەنگدان ماون، لە پارێزگاى سلێمانی 43.4٪ى کارتەکانى دەنگدان وەرگیراونەتەوە و 56.5٪ى کارتەکان دابەش نەکراون، پارێزگاى دهۆک لە ریزبەندى یەکەمدا بووە و 51.3٪ ى کارتەکانى دەنگدانى دابەشکراون و 48.6٪یان ماون. 

 

زۆرترین کارتى بایۆمەترى دەنگدانى تایبەت کە دابەشکراون لە سنوورى دهۆک بووە، 61.1٪ى کارتى بایۆمەترى ئەو دەنگدانە وەرگیراونەتەوە، لە سلێمانى 55.9٪ى تەواوى ئەو کارتانە وەرگیراونەتەوە کە تایبەتن بە دەنگدانى تایبەت، لەکاتێکدا لە هەولێر 12.8٪ى ئەو کارتانە دابەش کراون.

 

45 کارتى بایۆمەترى ئەو کەسانە لە هەولێر رادەستکراونەتەوە کە مردوون، لە سلێمانیش دوو کارتى لەو جۆرە رادەستکراونەتەوە، بەڵام لە دهۆک رادەستکردنەوە کارتى مردووان تۆمارنەکراوە.