یادی کیمیابارانی هەڵەبجە لە کۆنگرێسی ئەمریکا دەکرێتەوە
رووداو - واشنتن
نوێنەرایەتی حکومەتی هەرێمی کوردستان لە واشنتن یادی 29 ساڵەی کیمیابارانی هەڵەبجە لەنێو باڵەخانەی کۆنگرێسی ئەمریکا دەکاتەوە.
بڕیارە کاژێر 10:30 خولەکی بەرەبەیانی ئەمڕۆ بە کاتی واشنتن (17:30 خولەک بە کاتی هەرێمی کوردستان)، نوێنەرایەتی حکومەتی هەرێمی کوردستان یادی کیمیابارانی هەڵەبجە لە کۆنگرێسی ئەمریکا بکرێتەوە.
ژمارەیەک لە کەسوکاری قوربانیانی هەڵەبجە و سیناتۆری دیموکرات و کۆمارییەکان بەشدار دەبن و گوتار پێشکەش دەکەن. هەروەها باڵیۆزی عێراق گوتارێک پێشکەش دەکات.
داڕشتنەوە: حەکیم داود