فڕۆکەی جەنگی سنووری رانیەی بۆردوومان کرد

ئەبوبەکر ئیسماعیل
 
رووداو دیجیتاڵ 

دوانیوەڕۆی ئەمڕۆ هەینی کاژێر 1:20 خولەک بە فڕۆکەی جەنگی سنووری چەند گوندێکی رانیە بۆردوومانکرا. 
 
بەگوێرەی زانیارییەکانی رووداو، هەریەکە لە گوندەکانی زێوکە و دۆڵی رەسوو سەربە شارۆچکەی سەنگەسەر و گوندی پاشکۆتەڵ سەربە شارۆچکەی سەرکەپکان بۆردوومانکراون.
 
هێمن عەبدوڵڵا، بەڕێوەبەری شارۆچکەی سەرکەپکان بە رووداوی راگەیاند لە سنووری گوندەکانی سەرکەپکان بۆردوومانەکە هیچ زیانێکی گیانی نەبووە.
 
ئەو شوێنانەی بۆردوومان کراون دوورن لە ئاوەدانی. بەهۆی بۆردوومانەکەوە ئاگر لە پووش و پاوانی ئەو شوێنانە کەوتووەتەوە.
 
دانیشتووانێکی سەرکەپکان بە روودوی گوت: "فڕۆکەی جەنگی هات و نزیکەی 15 خولەک بەسەر ناوچەکەدا سووڕایەوە و دوو جار بۆردوومانی ناوچەکەی کرد."