لە هەریر کەسێک 'لەسەر دروستکردنی دیواری حەوشە' براکەی دەکوژێت

 

رووداوەکە رۆژی هەینی 14-4-2023 روویداوە. وەلی باقی عەبدوڵڵا، بەڕێوەبەری شارەدێی هەریر بەوەکالەت بە رووداوی راگەیاند "کەسێک بەناوی (ع.ک.ح) براکەی خۆی بەناوی وەلی کەمال حەسەن دەکوژێت."

 

بەپێی زانیارییەکانی پەیامنێری رووداو، پێشتر کێشە لەنێوان ئەو دوو برایە هەبووە و کوژراوەکە لەبەر کێشەکە ماڵی خۆی بردووەتە سۆران، بەڵام ئەمڕۆ دوای ئەوەی بە سەردان دەگەڕێتەوە هەریر 'لەسەر دروستکردنی دیواری حەوشە' لە بەردەم خانووەکەی خۆیدا کێشە دروست بووە و (ع.ک.ح) بە چەکی جۆری دەمانچە براکەی کوشتووە.

 

بەڕێوەبەری شارەدێی هەریر دەڵێت، لێکۆڵینەوە لە رووداوەکە دەستی پێکردووە و تاوەکو ئێستا تۆمەتباری رووداوەکە دەستگیرنەکراوە.

 

وەلی کەمال حەسەن دانیشتووی شاری سۆران بوو و خێزاندار و باوکی پێنج منداڵ بوو.