لە رووداوێکی هاتووچۆدا لە بەردەڕەش 8 کەس بریندار بوون

 

 

نەشوان بەرزنجی، گوتەبێژی تەندروستیی بەردەڕەش بە تۆڕی میدیایی رووداوی راگەیاند، "ئەمشەو 8 بریندار گەیێندرانە نەخۆشخانەی بەردەڕەش، کە بەھۆی رووداوێکی ھاتووچۆوە بریندار بوون، کە ئەوانیش سێ پیاو، ژنێک، دوو مێرمنداڵ و دوو منداڵن."

 

گوتەبێژی تەندروستیی بەردەڕەش ئاماژەی بەوەش کرد، دوو لە بریندارەکان گوستراونەتەوە بۆ نەخۆشخانەکانی ھەولێر، یەکێکیش بۆ نەخۆشخانەی ئاکرێ، ئەوانی دیکە لە نەخۆشخانەی بەردەڕەش چارەسەریان وەرگرتووە.