نوێترین پێشبینیی کەشناسیی هەرێمی کوردستان بۆ کەشوهەوا؛ 'ئەگەری بارانبارین هەیە'

 

 

لەبارەی خێرایی با، کە لە دوێنێوە لە بەشێکی هەرێمی کوردستان چالاکە، کەشناسی دەڵێت، ئەمڕۆ خێرایی با زیاتر دەبێت و لە کاژێرێکدا دەگاتە 30 کیلۆمەتر. هەروەها "کەمێک" تۆز و خۆڵ لە ناوچەکان دەبێت.

 

سەبارەت بە کەشوهەوای سبەی، کەشناسیی هەرێمی کوردستان ئەوەی خستووەتەڕوو، "ئەگەری بارانی کەم لە بەشێکی سنووری پارێزگای سلێمانی و ناوچە شاخاوییە سنوورییەکانی پارێزگای دهۆک هەیە."

 

ئاراس جەبار، شارەزای کەشناسی، ئەمڕۆ یەكشەممە بە رووداوی گوت، "سبەی لە سەنتەری پارێزگاکانی سلێمانی و هەڵەبجە تاوەبارانی کورتخایەن دەبارێت، لە سەنتەری پارێزگاکانی هەولێر و دهۆک نمەباران و لە ناوچە شاخاوییەکانیان تاوەبارانە."

 

ئاراس جەبار دەڵێت، سبەی خێرایی با بەردەوام دەبێت و لەدوای نیوەڕۆدا کەشوهەوا لە زۆرینەی هەرێمی کوردستان ئاسایی دەبێتەوە.

 

 

هەولێر: 29 پلەی سیلیزی

سلێمانی: 27 پلەی سیلیزی

دهۆک: 28 پلەی سیلیزی

زاخۆ: 27 پلەی سیلیزی

هەڵەبجە: 28 پلەی سیلیزی

کەرکووک: 31 پلەی سیلیزی

سۆران: 24 پلەی سیلیزی

حاجی ئۆمەران: 17 پلەی سیلیزی

گەرمیان: 35 پلەی سیلیزی