بەھۆی دەستکاریکردنی گوللەھاوەن کەسێک گیانی لەدەستدا
رووداو - هەڵەبجە
گوتەبێژی پۆلیسی ھەڵەبجە دەڵێت، بەھۆی دەستکاریکردنی گوللەھاوەن و تەقەمەنییەوە ئێوارەی ئەمڕۆ کەسێک گیانی لەدەستدا و دوو کەسی دیکەش برینداربوون.
رائید بەرزان عوسمان، گوتەبێژی پۆلیسی ھەڵەبجە بە تۆڕی میدیایی رووداوی راگەیاند: ''ئێوارەی ئەمڕۆ یەکشەممە 12-5-2019 لە گەڕەکی مەرزەبۆتۆ بەھۆی دەستکاریکردنی گوللەھاوەن و تەقەمەنییەوە کەسێک گیانی لەدەستدا و دوو کەسی دیکەش برینداربوون".
بە گوتەی بەرزان عوسمان ''ئەو کەسەی گیانی لەدەستداوە ناوی(س.ن.ح)ـە و پێشمەرگە بووە".