هەڵەیەک روویدا! دووبارە هەوڵبدە
رووداو دیجیتاڵ
گەورەترین پارکى نەینەوا لە ناحیەى باشیک دەکرێتەوە کە رووبەرەکەى زیاتر لە 14 دۆنمە. پرۆژەکە لەسەر بودجەى یاساى پاڵپشتیى خێراى ئاسایشى خۆراک و پەرەپێدان دروستکراوە.
(پارکى نموونەیی باشیک) 10ى تشرینى دووەم لە ناوەندى ئەو ناحیەیە کرایەوە کە کوردى ئێزدى و کریستیان زۆرینەى دانیشتووانەکەى پێکدەهێنن.
غەزوان داوودى، بەڕێوەبەرى ناحیەى باشیک بە تۆڕى میدیایی رووداوى راگەیاند، رووبەرى پارکەکە زیاتر لە 14 دۆنمە و گەورەترینە لە نەینەوا.
کافتریا، چێشتخانە و فوارە لە پارکەکەدا هەن. پارکەکە لە شوێنێک دروستکراوە کە پێشتر شوێنى کۆکردنەوەى زبڵ بوو.
غەزوان داوودى گوتى، "گوژمەی دروستکردنی ئەو پارکە ملیارێک و 650 ملیۆن دینار بوو، لەسەر بودجەى یاساى پاڵپشتیى خێراى ئاسایشى خۆراک و پەرەپێدان دروستکراوە."
پەرلەمانى عێراق لە 8ى حوزەیرانى 2022 یاسای پاڵپشتیی خێرای ئاسایشی خۆراکى وەکو جێگرەوەى یاساى بودجەى گشتیى پەسند کرد، کە بودجەکەى 25 تریلیۆن دینار بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ