بەرپرسی لقی 16: هەردوو بەربژێری پارتی دیموکراتی کوردستان لە بازنەی دووی هەولێر دەرچوون
رووداو دیجیتاڵ
بڵند ئیسماعیل، بەرپرسی لقی 16ـی پارتی رایگەیاند، هەردوو بەربژێرەکەیان لە بازنەی دووی هەولێر دەنگی پێویستیان بۆ چوونە پەرلەمان بەدەستهێناوە.
بەپێی دوایین ئامارەکان، کوردۆ عومەر، بەربژێری هاوپەیمانی کوردستان لە بازنەی دووی هەولێر دەنگی پێویستی بەدەستهێناوە بۆ چوونە پەرلەمان.
خدر عەلی مەنتک- پارتی : 24758 دەنگ
وەزیرە ئەحمەد - نەوەی نوێ: 23321 دەنگ
ئامانج مەحموود- پارتی: 18973 دەنگ
کوردۆ عومەر- هاوپەیمانی کوردستان: 14322 دەنگ
بازنەی دووی هەولێر چوار کورسییان بۆ پەرلەمانی عێراق هەیە کە یەکێکیان بۆ کۆتای ئافرەتانە.
پارێزگای هەولێر لە چوار بازنە پێکهاتووە، لە سەرجەم بازنەکان ملیۆنێک و 238 هەزار و 379 کەس مافی دەنگدانیان هەیە و، 15 کورسیی پەرلەمانی عێراق بۆ ئەو پارێزگایە دابینکراوە کە چواریان بۆ کۆتای ئافرەتانە.
ئەو ئەنجامانە بەرایین و هێشتا یەکلایینکەراوەتەوە، بڕیارە لە ماوەی 24 کاژێردا دوای داخستنی بنکەکانی دەنگدان کۆمیسیۆنی باڵای هەڵبژاردنەکان ئەنجامی کۆتایی دەنگەکان رابگەیێنێت.