بوومەلەرزەیەک بە گوڕی 3.2 پلەی رێختەر لە سلێمانی روویدا

 

ئاسۆ کەمال، بەڕێوەبەری کەشناسی و بوومەلەرزەزانی سلێمانی بە تۆڕی میدیایی رووداوی گوت: "ناوەندی بوومەلەرزەکە گوندی پووشێن بووە لە سنووری بەرزنجە لە نزیک سلێمانی".

 

ئاسۆ کەمال گوتی: "بوومەلەرزەکە کاژێر 14:39ـی دوای نیوەڕۆی ئەمڕۆ هەینی، 10-01-2025، روویداوە".

 

بە گوتەی بەڕێوەبەری کەشناسی و بوومەلەرزەزانی سلێمانی گوڕی بوومەلەرزەکە 3.2 پلە بووە بە پێوەری رێختەر و بە قوڵایی 12 کیلۆمەتر روویداوە.

 

بەهۆی بەهێزی بوومەلەرزەکەوە بەشێکی هاونیشتمانییان هەستیان پێکرد و لە ماڵەکانیان چوونە دەرەوە.