رووداو دیجیتاڵ
ئەو سەربازە تورکەی لە پارێزگای جۆلەمێرگی باکووری کوردستان، منداڵێکی کوردی تەمەن 5 ساڵانی بە زریپۆش شێلا و کوشتی، ئازادکرا. بڕیارەکە لە تۆڕە کۆمەڵایەتییەکان کاردانەوەی زۆری بەدواداهات.
ئەو سەربازە "شارەزایە" تورکە رۆژی چوارشەممە، 7ی حوزەیران لە شارۆچكەی گەڤەر منداڵێکی کوردی بە ناوی ئەردەم ئاشکن شێلا کە تەمەنی پێنج ساڵان بوو و بەو هۆیەوە گیانی لەدەستدا، بەڵام ئێوارەی رۆژی پێنجشەممە، 8ی حوزەیرانی 2023 بە مەرجی دادوەری ئازاد کرا.
وەزیر پارلاک، پەرلەمانتاری جۆلەمێرگی پارتی چەپی سەوز - یەسەپە لە هەژماری تایبەتی خۆی لە تویتەر ناڕەزایی بەرامبەر بڕیارەکە راگەیاند و ئاماژەی بەوەدا، "تاوانبارەکە دیسان منداڵێکی کورد بوو. با دادپەروەریتان نوقم بێت".
لقی ئامەدی کۆمەڵەی مافی مرۆڤ راپۆرتێکدا لەبارەی گیانلەدەستدان بەهۆی زریپۆش و ئۆتۆمبێلە سەربازییەکانی هێزە ئەمنییەکانی تورکیا لە ناوچە سڤیلنشینە جیاوازەکانی باکووری کوردستان بڵاوکردەوە ئاشکرای کردووە لە 15 ساڵی رابردوودا 44 کەس بەهۆیەوە گیانیان لەدەستداوە، کە 21یان منداڵن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ