لە دهۆک دوو کەس بە رووداوی هاتووچۆ گیانیان لەدەستدا

 

 

ئازاد تەها، گوتەبێژی هاتووچۆی دهۆک بە تۆڕی میدیایی رووداوی گوت، رووداوەکە کاژێر 16:30 روویداوە و ئۆتۆمبێلەکە لە جۆری نیسان ئاڵتیمای تاکسی بووە.

 

گوتیشی، "فاتیمە قوتبەدین تەمەن 39 ساڵ و شەهاب شڤان تەمەن 14 ساڵ، ئەو دوو کەسە بوون لە رووداوەکەدا گیانیان لەدەستداوە".

 

رووداوەکە برینداربوونیشی تێدا بووە، ئازاد تەها دەڵێت، دوو کەسی دیکەش بریندار بوون و بۆ نەخۆشخانەی فریاکەوتنی دهۆک گواستراونەتەوە. 

 

بەگوێرەی ئاماری پۆلیسی هاتووچۆی هەرێمی کوردستان، ساڵی رابردوو 3706 رووداوی هاتووچۆ روویاندا و لە ئەنجامدا 445 کەس گیانیان لەدەستدا و 7250 کەسیش بریندار بوون.