فڕۆکەی جەنگی چەند ناوچەیەکی سنووری سلێمانی بۆردوومان دەکات

 

 

کامەران عوسمان، بەرپرسی دێسکى مافى مرۆڤى رێکخراوى سی پى تیى ئەمریکی بە تۆڕى میدیایی رووداوى راگەیاند، کاژێر 5:20 ئێوارەى ئەمڕۆ سێجار بۆردوومانى چەند ناوچەیەکى قەزاکانى شارباژیر و ماوەت کراوە، کە ناوچەکانى گردەڕەش لە پشت گوندى سەفرە لە سنوورى ماوەت، ناوچەى دووکان لە سنوورى شارباژێر کراونەتە ئامانج. 

 

کامەران عوسمان راگەیاند: "دوو لە بۆردوومانەکان ناوچەى دووکانیانى گرتووەتەوە و بۆردوومانى سێیەمیش گردەڕەشى کردووەتە ئامانج و بەهۆیەوە نزیکەى 25 دۆنم و زەوى سووتاوە و خەڵکى ناوچەکە سەرقاڵى کوژاندنەوەین."

 

قەزاى شارباژێر و ماوەت دەکەونە باکوورى شارى سلێمانى، بە گوتەى بەرپرسی دیسکى مافى مرۆڤى رێکخراوى سی پى تیى ئەمریکی، تاوەکو ئێستا دیار نییە بۆردوومانەکان زیانى گیانیان هەبووە یان نا.