کەشناسی: خۆڵبارین بەردەوام دەبێت

 

 

بەگوێرەی راگەیێندراوێکی بەڕێوەبەرایەتیی کەشناسیی هەرێمی کوردستان، ئەمڕۆ دووشەممە 8ـی ئاب تاوەکو بەرەبەیانی رۆژی 9ـی ئاب خۆڵبارین بەردەوام دەبێت؛ دواتر ئاسمان ساماڵ دەبێت لەگەڵ تۆزێکی سووک لە ناوچەکانی باشووری هەرێمی کوردستان.

 

رۆژی دووشەممە 8ـی ئابی 2022، ئاسۆ کەمال، بەڕێوەبەری کەشناسیی سلێمانی بە تۆڕی میدیایی رووداوی گوت، "ئەمڕۆش خۆڵبارین بەردەوام دەبێت، بەڵام رێژەکەی بەرەو کەمبوونەوە دەڕوات؛ پلەی گەرما ئەمڕۆش نزمتر دەبێت بەراورد بە رۆژانی رابردوو، سبەینێ کەمێک بەرزدەبێتەوە؛ بەگشتی کۆتایی هەفتە پلەی گەرما بەرزدەبێتەوە." 

 

کەشناسیی هەرێمی کوردستان نزمترین پلەی گەرمای تۆمارکراوی ئەمڕۆ دووشەممەی بەمشێوەیە بڵاوکردووەتەوە: کانی ماسێ 19 پلەی سیلیزی، حاجی ئۆمەران و سیدەکان 22 پلەی سیلیزی.

 

بەگوێرەی راگەیێندراوی کەشناسیی هەرێمی کوردستان، پلەی گەرما سبەی 9ـی ئاب، بەمشێوەیە دەبێت:

 

هەولێر: 43 پلە

 

سلێمانی: 41 پلە

 

دهۆک: 40 پلە 

 

کەرکووک: 45 پلە 

 

زاخۆ: 42 پلە 

 

هەڵەبجە: 42 پلە 

 

سۆران: 40 پلە

 

راپەرین: 41 پلە

 

گەرمیان: 44 پلە