لە قەزای خەبات لەکاتی لەحیمکردن بارهەڵگرێکی سووتەمەنی ئاگری گرت و دوو کەس گیانیان لەدەستدا

 

ئامانج محەممەد، ئەفسەر لە بەرگریی شارستانیی خەبات بە رووداوی گوت، رووداوەکە کاژێر 04:10ـی ئەم ئێوارە بووە. لەکاتی لەحیمکردنی بارهەڵگرێک، ئاگرێکی گەورە کەوتووەتەوە، بەهۆیەوە دوو لەحیمچی گیانیان لەدەستداوە و دوو کەسی دیکەیش بریندارن.

 

بەگوێرەی ئەو ڤیدیۆیەی دەست تۆڕی میدیایی رووداو کەوتووە، بارهەڵگرەکە بەتەواوی سووتاوە و هێشتا ئاگری لێ بەرزدەبێتەوە.

 

ئەو دوو کەسەی لە رووداوەکەدا بریندار بوون، یەکێکیان شۆفێری بارهەڵگر و ئەوی دیکەیش هاوڕێیەکی بووە.

 

رووداوەکە لە ناوچەی پیشەسازیی قەزای خەبات روویداوە.