رووداو دیجیتاڵ
لە رووداوێکی هاتووچۆدا لەسەر رێگەی هەولێر – کۆیە، سێ کەس گیانیان لەدەستدا و کەسێکی دیکەش بریندارە.
بەگوێرەی زانیارییەکانی رووداو، رووداوەکە ئەمڕۆ (دووشەممە، 6-5-2024) لەنێوان ئۆتۆمبێلێکی بارهەڵگر، پیکاپێکی تۆیۆتا و ئۆتۆمبێلێکی فۆردی تایبەت روویداوە.
پێشتر، بەرپرسێک لە هاتووچۆی هەولێر بە رووداوی گوت، "لە رووداوەکەدا سێ کەس لەنێو پیکابەکە گیانیان لەدەستداوە، فۆردەکە دوو کەسی تێدا بووە، یەکێکیان گیانلەدەستدانی پشتڕاستکراوەتەوە."
تاوەکو ئەمڕۆ ئاماری رووداوەکانی هاتووچۆی ساڵی رابردوو لە هەرێمی کوردستان بڵاونەکراوەتەوە، بەڵام بەگوێرەی ئاماری پۆلیسی هاتووچۆ، لە ساڵی 2022 دا لە هەرێمی کوردستان سێ هەزار و 706 رووداوی هاتووچۆ روویانداوە و لە ئەنجامدا 445 کەس گیانیان لەدەستداوە و حەوت هەزار و 250 کەسیش بریندار بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ