هاووڵاتییەک لەبەردەم قایمقامییەتی رواندز خۆی دهكوژێت
رووداو- رواندز
هاووڵاتییەک لەبەردەم قوتابخانەی پاشای گەورەی رواندوز و بەرانبەر قایمقامییەتی ئەو قەزایە، فیشهكێك بهخۆیهوه دهنێت و بههۆیهوه گیان لهدهست دهدات.
نەقیب محەممەد عەلی، بەرپرسی راگەیاندنی پۆلیسی سۆران، بۆ (رووداو) گوتی: "بەپێی ئەو زانیارییانەی لە برای ئەم هاووڵاتییەی خۆی کوشتووە دەستمان کەوتووە، ئەوان بەمەبەستی راپەڕاندنی هەندێک کاروباری ئیداری خۆیان سەردانی قایمقامییەتی قەزای رواندزیان کردووە".
گوتیشی: "ئەو هاووڵاتییەی خۆی کوشتووە لەنێو ئۆتۆمبێلەکەیان ماوەتەوە و براکەی بۆ راپەڕاندنی مامەڵەکە سەردانی بینای قایمقامییەتی قەزاکەی کردووە. لەو کاتەدا هەواڵیان پێداوە، کە براکەی لەنێو ئۆتۆمبێلەکەدا فیشهكێكی بهدەمی خۆیهوه ناوە و خۆی کوشتووە".
نەقیب محەممەد عەلی راشیگهیاند: "برای ئەو هاووڵاتییە گوتوویهتى براکەی نەخۆشی دەروونی هەبووە".
ئەم کەسەی خۆی کوشتووە دانیشتووی شاری هەولێرە و ناوى (حەسەن محەممەد سدیق)ه، خانەنشینە و ساڵی 1975 لهدایك بووه.
نەقیب محەمەد عەلی راشگەیاند: "تەرمەکەیان رەوانەی پزیشکی دادوەری سۆران کردووە و پەڕاوی لێکۆڵینەوەشی بۆ کراوەتهوه.
پەیامنێری (رووداو) پاش کەمێک لە رووداوەکە لەوێ ئامادە بوو، بەڵام هیچ ئاسەوارێکی رووداوەكه لە شوێنەکە نەمابوو، لهو بارهیهوه نەقیب محەمەد گوتی: "هۆکاری نەهێشتنی ئاسەواری ئەو خۆکوشتنە ئەوە بووە، کە رووداوەکە لەنزیک قوتابخانەی پاشای گەورە روویداوە، بەهۆی رەچاوکردنی باری دەروونی قوتابییانی قوتابخانەکە ئاسەواری کوشتنەکەمان بە زوویی پاککردووەتەوە".