نێچیرڤان بارزانی و فەرماندەی هاوپەیمانیی نێودەوڵەتی تاوتوێی یەکخستنەوەی هێزەکانی پێشمەرگەیان کرد

04-02-2025
رووداو دیجیتاڵ @Rudawkurdish
A+ A-
رووداو دیجیتاڵ

نێچیرڤان بارزانی، سەرۆکی هەرێمی کوردستان لەگەڵ جەنەڕاڵ کیڤن لیهی، فەرماندەی هێزەکانی هاوپەیمانیی نێودەوڵەتی لە عێراق و سووریا کۆبووەوە. هەردوو لا "دەستبەکاربوونی هەردوو فیرقەی سێ و و چواری پێشمەرگەیان لەژێر چەتری وەزارەتی پێسمەرگە بە گرنگ لە قەڵەم دا."
 
سەرۆکایەتیی هەرێمی کوردستان ئەمڕۆ سێشەممە رایگەیاند، "له‌ كۆبوونه‌وه‌كه‌دا دۆخى ئه‌منيى عێراق و سووريا، جووڵه‌ و هه‌ڕه‌شه‌كانى رێكخراوى تيرۆرستيى داعش له‌سه‌ر ئارامى و سه‌قامگيريى ناوچه‌كه‌، تاوتوێ كران. هه‌ردوولا جه‌ختيان له‌ گرنگيى هاريكاريى هاوبه‌شى عێراق و هه‌رێمى كوردستان له‌گه‌ڵ هاوپه‌يمانيى نێوده‌وڵه‌تى بۆ به‌ره‌نگاربوونه‌وه‌ى تيرۆر و مه‌ترسييه‌كانى داعش كرده‌وه‌."
 
بەگوێرەی راگەیێندراوەکە لە کۆبوونەوەکەدا تاوتوێی دوايين هه‌نگاوه‌كانى پرۆسه‌ى چاكسازى له‌ وه‌زاره‌تى كاروبارى پێشمه‌رگه‌ و يه‌كخستنه‌وه‌ى پێشمه‌رگه کراوە. 
 
لێكه‌وته‌كانى دۆخى رۆژهه‌ڵاتى نێوه‌ڕاست و گۆڕانكارييه‌كانى سووريا و كاريگه‌رييان له‌سه‌ر ناوچه‌كه‌، تەوەرێکی دیکەی کۆبوونەوەکەی سەرۆکی هەرێمی کوردستان و فەرماندەی هاوپەیمانیی نێودەوڵەتی بوو.

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

12 گەنجی هەرێمی کوردستان کە رۆژی 17-01-2025 لە لیبیاوە گەڕێندرانەوە

ئەم ساڵ 13 هاونیشتمانیی هەرێمی کوردستان لە لیبیاوە گەڕێندراونەتەوە

هەڵسوڕێنەری کاروباری باڵیۆزخانەی عێراق لە لیبیا دەڵێت، لە سەرەتای ئەم ساڵەوە 13 هاونیشتمانیی هەرێمی کوردستانیان لە لیبیاوە گەڕاندووەتەوە. دەشڵێت، لە بەدواداچوونی بەردەوامدان بۆئەوەی شوێنی هاووڵاتییە عێراقییەکانی دیکە، کە لەو وڵاتە گیریان خواردووە، بدۆزنەوە و بیانگەڕێننەوە