هاتووچۆی هەولێر بەهۆی هەورەبرووسکەوە تاقیکردنەوەی رەمپە دوادەخات

 

 

ئەمڕۆ یەکشەممە 3 تشرینی دووەم، بەڕێوەبەرایەتیی هاتووچۆی هەولێر لە راگەیێندراوێکدا بڵاویکردەوە، "ئاگاداری ئەو هاووڵاتیانە دەکەینەوە، کە سبەی دووشەممە 4-11-2024، تاقیکردنەوەی پراکتیکی رەمپەیان هەیە، لە بەشی مۆڵەتی بەڕێوەبەرایەتیی هاتووچۆی هەولێر، دواخرا".

 

بەڕێوەبەرایەتیی هاتووچۆی هەولێر گوتی، "داوا لە هاووڵاتیان دەکەین، سبەی سەردانمان نەکەن، تاقیکردنەوەکانیان دوا دەخرێت بۆ 25-11-2024، بەهۆی لەکارکەوتنی سیستم، لە ئەنجامی لێدانی هەورە برووسکە لە تاوەری کۆنتڕۆلی تاقیکردنەوەکان".

 

دوو رۆژە شەپۆلێکی بارانبارین باشووری کوردستانی گرتووەتەوە و لە هەندێ ناوچە برووسکە و هەورەگرمەشی لەگەڵدایە.