لە کەرکووک دەست بەسەر 13 کامیۆن مریشکی زیندووی هەرێمی کوردستاندا دەگیرێت

 

سامان یاسین، شوفێری یەکێک لەو کامیۆنانەیە، ئەمڕۆ (پێنجشەممە، 10-3-2024) بە رووداوی راگەیاند "ماوەیەکی زۆرە مریشک لە سلێمانییەوە هەناردەی باشوور و ناوەڕاستی عێراق دەکەین و هیچ کێشەیەکمان نەبووە، هەندێکجار لە یەک دوو بازگە داوای پارەمان لێکراوە و بەبێ کێشە رێگەمان پێدراوە." 

 

"شۆفێرەکانی کامیۆنەکان دەستبەسەر کراون"

 

سامان یاسین جەخت دەکاتەوە لەوەی "ئێوارەی دوێنێ، هێزێکی ئەمنی لەنێو شاری کەرکووک دەستی بەسەر کامیۆنەکانماندا گرت و 13 شوفێریان دەستگیرکرد، ئێمەش کە هاوکاری شوفيرەکانین، لە دوێنیوە لێرەین و هیچ روونکردنەوەیەکمان پێ نادەن."

 

پەیامنێری رووداو هەوڵیدا زانیاری لە بەشی تاوانی خۆراک وەربگرێت، بەڵام رەتیانکردەوە لێدوان بدەن و تەنیا ئەوەندەیان گوت "ئەو بارهەڵگرانە مۆڵەت و رێکاری یاساییان نییە و، بە بڕیاری دادوەر دەستگیرکراون."