دوو بوومەلەرزە لە سنووری هەڵەبجە روویاندا

 

 

ئاسۆ کەمال، بەڕێوەبەری کەشناسی و بوومەلەرزەزانیی سلێمانی بە تۆڕی میدیایی رووداوی گوت، بوومەلەرزەی یەکەم لە باکووری رۆژئاوای هەڵەبجە لەنزیک کاژێر 11:00ی ئەمڕۆ 3ی نیسان روویدا و پلەکەی 2.9 پلەی رێختەر بووە.

 

بەڕێوەبەرایەتییەکە ئاماژەی بە بوومەلەرزەی دووەم کرد و گوتی، "لە هەمان شوێن بووە و قووڵییەکەی 10 کیلۆمەتر بووە، بەهێزییەکەی زیاتر بووە و 3 پلەی رێختەر بووە."

 

بوومەلەرزەکە بە شێوەیەک بووە، بەشێکی هاونیشتمانییانی سنووری هەڵەبجە هەستیان پێکردووە.