پۆلیسی سلێمانی: مەفرەزەکانمان دوو تۆمەتبار لەکاتی دزیکردن لە ماڵێک دەستگیردەکەن

 

رۆژی چوارشەممە 2-2-2022، سەرکەوت ئەحمەد، گوتەبێژی پۆلیسی سلێمانی بە تۆڕی میدیایی رووداوی راگەیاند، مەفرەزەکانی بەشی پۆلیسی نەھێشتنی تاوان/نووسینگەی رۆژئاوا، دوو تۆمەتبار لەکاتی دزیکردندا دەستگیر دەکەن.

 

بەگوتەی سەرکەوت ئەحمەد، "دوو کەس بە ماتۆڕێکەوە چوونەتە نێو ماڵێکەوە بۆ دزیکردن، لەوکاتەدا مەفرەزەیەکی پۆلیس گەڕانیان هەبووە، بە رووداوەکەیان زانیوە و لەو کاتەدا هەردوو کەسەکەیان دەستگیرکردووە و دەستیشیان بەسەر کەلوپەلەکانیاندا گرتووە".

 

سەرکەوت ئەحمەد گوتیشی، دەستگیرکراوەکان خەڵکی دەوروبەری سلێمانین.

 

ھەردوو تۆمەتبار (م، خ، ر) لەدایکبووی 1997 و (ھ، ع، ع) لەدایکبووی 1999، دانیان بەتاوانەکەیاندا ناوە و بە بڕیاری دادوەر بەپێی ماددەی 443 لەیاسای سزادانی عیراقی راگیراون.