گوتەبێژی دەروازەی حاجی ئۆمەران: هاتووچۆی گەشتیاری و بازرگانی ئاساییە

 

ئەمڕۆ چوارشەممە، 1-2-2023، سیروان حوسێن، گوتەبێژی دەروازەی نێودەوڵەتیی حاجی ئۆمەران بە تۆڕی میدیایی رووداوی راگەیاند، لەم هەفتەیەدا تەنیا رۆژی یەکشەممە بەهۆی بارینی بەفرێکی زۆر لە سنووری قەزای سۆران و دەوروبەری ئاستەنگی بۆ هاتووچۆی گەشتیاران و بازرگانان دروستبوو، بەڵام ئێستا هاتووچۆ ئاسایی بووەتەوە.

 

لە شەوی 28ـی کانوونی دووەمەوە، شەپۆلێکی بەفربارین رووی لە ناوچە شاخاوییەکانی هەرێمی کوردستان و بەشێک لە گوند و شارەکان کردووە و لە بەشێک لە پەروەردەکان پشوو راگەیێندرا. 

 

رۆژی 29ـی مانگ، بەهۆی بەفربارینەوە ئاستەنگ بۆ هاتووچۆی بازرگانی لە دەروازەی حاجی ئۆمەران دروستبوو، بەڵام دوای رۆژێک رێگە کرایەوە.