توێژینەوەیەک: زۆرخۆری زیان بە جگەر دەگەیێنێت
رووداو- دیجیتاڵ
توێژینەوەیەکی نوێ دەریخستووە زۆرخۆری زیان بە جگەر دەگەیێنێت.
توێژینەوەیەکە لەلایەن پزیشکانی زانکۆی میسۆری لە ئەمریکا ئەنجامدراوە و تێیدا باس لە زیانەکانی زۆرخۆری و زۆر خواردنەوەی کحول بە تایبەت لە بۆنەکدا لەسەر جگەر دەکات.
د. ئێلیزابێت پارکس، پسپۆڕی نەخۆشییەکانی هەناو و سەرپەرشتیاری توێژینەوەکە دەڵێت، بۆمان دەرکەوتووە ئەوانەی لە بۆنەکاندا زۆر خۆراک و خواردنەوە کحولییەکان دەخۆن، زیانێکی زیاتر بە جگەریان دەگات، چونکە لەوانەیە بڕێکی زۆری کاربۆهێدرات و خۆراکە ناتەندروستەکان بخورێن.
سەرپەرشتیاری توێژینەوەکە روونیدەکاتەوە، تەنانەت لەهەندێک بەشداربووی توێژینەوەکەدا کاربۆهێدراتەکان زیاتر لە کحول کاریگەرییان لەسەر جگەر هەبووە.
پزیشکانی ئەمریکی سەرپەرشتیاری توێژینەوەکە دەڵێن، زۆر خواردنەوەی کحول و زۆر خۆری لە بۆنەکاندا دەبنەهۆی ئەوەی چەورییەکی زیاتر لەسەر جگەر بنیشێت.