زانکۆی ستانفۆرد: 10 خولەک یۆگا کەمخەوی کەمدەکاتەوە
رووداو - تەندروستی
پسپۆڕانی زانکۆی ستانفۆردی ئەمریکی ئاماژە بەوە دەکەن تەنیا 10 خولەک ئەنجامدانی یۆگا لە ئێواراندا، کێشەی کەمخەوی کەمدەکاتەوە.
د. ڤانیکا چاولا، پزیشکی زانکۆی ستانفۆرد و راهینەری یۆگا دەڵێت: "یۆگا دەتوانێت هەم مێشک و هەم جەستە ئارام بکاتەوە و یارمەتیی باشترکردنی خەو و کەمکردنەوەی کێشەکانی خەو بدات."
دکتۆر ڤانیکا چاولا باسی سوودەکانی یۆگا دەکات و دەڵێت: یۆگا هێمنکردنەوەی مێشک و جەستەیە، گوشاری دەروونی کەمدەکاتەوە، کواڵیتیی خەو باشتر دەکات و ئارامی بە دەروون دەبەخشێت.