سەرۆکی ئەنجوومەنی زانستی فەرەنسا: تا ساڵی 2023 ژیان ئاسایی نابێتەوە
رووداو- دیجیتاڵ
سەرۆکی ئەنجوومەنی زانستی فەرەنسا پێشبینیدەکات تاوەکو ساڵی2023 بەهۆی بڵاوبوونەوەی کۆرۆنا ژیان ئاسایی نەبێتەوە.
جین فرانکۆیس دێلفرایسی، سەرۆکی ئەنجوومەنی زانستی فەرەنسا دەڵێت، ئێستا رۆژانە نزیکەی 50 هەزار حاڵەتی نوێی کۆرۆنا لە وڵاتەکە تۆماردەکرێت و ئەمەش ژمارەیەکی ئێجگار بەرزی تووشبوونە.
جین فرانکۆیس روونیدەکاتەوە لە مانگی داهاتوو، شەپۆلی چوارەمی کۆرۆنا روو لە وڵاتەکە دەکات.
سەرۆکی ئەنجوومەنی زانستی فەرەنسا دەشڵێت، من پێموانییە ژیان تاوەکو ساڵی 2023 ئاسایی ببێتەوە، بۆیە دەبێت بەهەموو شێوەیەک رێکارەکانی کۆنترۆڵکردنی کۆرۆنا توندتربکرێن.