لە نەخۆشخانەیەکی ئاکرێ کیسێکی 6 کیلۆگرامی لە سکی کچێکدا دەردەهێندرێت

 

بەڕێوەبەرایەتیی تەندروستی ئاکرێ لە راگەیێندراوێکدا کە ئەمڕۆ چوارشەممە، 19-4-2023، بڵاویکردەوە، رایگەیاند "نەشتەرگەرییەکی زۆر گەورە و دەگمەن بۆ کچێکی تەمەن 21 ساڵ ئەنجامدرا کە جۆری نەشتەرگەرییەکە لادانی کیسێکی زۆر گەورە بوو بە قورسایی 6.410 کیلۆگرام".

 

نەشتەرگەرییەکە بێ بەرامبەر بۆ کچە تەمەن 21 ساڵییەکە کراوە و کیسەکە لەسەر هێلکەدانی لادراوە.

 

وەک لە راگەیێندراوەکەدا هاتووە، سێ پزیشک و ستافێک بەشدارییان لە ئەنجامدانی نەشتەرگەرییەکەدا کردووە.