توێژینەوەیەکی بەڕازیل: ڤاکسینە چینییەکەی سینۆڤاک تەنیا 50٪ کاریگەرە دژی کۆرۆنا
رووداو- هەولێر
بەگوێرەی توێژینەوەیەکی نوێی بەڕازیل دەرکەوتووە ڤاکسینە چینییەکە کە ناوی "سینۆڤاک"ـە تەنیا 50.4٪ دژی کۆرۆنا کاریگەرە.
توێژەرانی بەڕازیل لەدوای چەند بەدواداچوونێكی پزیشكی دەریانخستووە ڤاکسینی سینۆڤاک دەتوانێت 50.4٪ رێگریبکات لە دژی کۆرۆنا، بەمەش کەمترە لەو داتایانەی راگەیێندرابوون لەبارەی کاریگەرییەکەی لەدژی ڤایرۆسەکە.
پەیمانگەی بیتانتان لە بەڕازیل توێژینەوەکەی لەسەر سینۆڤاک ئەنجامداوە، دەریخستووە ڤاکسینەکە بەگشتی دەتوانێت نزیکەی 50.4٪ کاریگەر بێت لە رێگریکردن لە تووشبوون بە کۆرۆنای مامناوە و سووک.
روونیانکردووەتەوە ڤاکسینەکە بۆ حاڵەتە بێنیشانەکان کاریگەرییەکەی هێندە کەمە و 50.4٪ـە، بەڵام بۆ حاڵەتە مامناوەندەکان 100٪ و بۆ حاڵەتە سووکەکان نزیکەی 70٪ کاریگەریی دەبێت.
سینۆڤاک یەکێكە لە ڤاکسینەکانی بەرهەمهێندراوی کۆمپانیا پزیشكییەکانی چین، بەشێوەیەک لە پارچە مردووەکانی ڤایرۆسەکە دروستدەکرێت بۆ ئەوەی لەدژی ڤایرۆسەکە بە بەهێزکردنی سیستەمی بەرگری بجەنگێت، لە چەند وڵاتێكی وەک تورکیا، ئیندۆنیزیا، سەنگاپورە و چەند وڵاتێكی دیکە داواکراوە بۆ بەکارهێنان.