لە دهۆک سیمپۆزیەمی دیدی نوێ بۆ تەندروستی کوردستان لە 2030 بەڕێوەدەچێت
رووداو- هەولێر
لە دهۆک سیمپۆزیەمێكی نێودەوڵەتی لەژێر ناونیشانی دیدی نوێ بۆ تەندروستی کوردستان لە ساڵی ٢٠٣٠ بەڕێوەدەچێت و چەندین پزیشک و پسپۆڕی کورد و بیانی بەشدارن.
د. ئالان دیلانی، رێكخەر و سەرپەرشتیاری سیمپۆزیەمەکە دەڵێت، لە سیمپۆزیەمەکەدا کە بەهاوئاهەنگی زانکۆی دهۆک سازکراوە، چەندین پزیشكی بیانی بەشدارن، ئامانجی سەرەکی پێشخستنی دۆخ و سیستەمی تەندروستییە لە کوردستان.
دیلانی روونیدەکاتەوە، چەندین نەخۆشیی هەن لە کوردستان تەنیا بە پێشگیریکردن رێگەیان لێدەگیرێت، کە بە نەخۆشییە نەگوازراوەکان دادەندرێن و تەنیا شێوازی ژیانی تەندروست دەتوانێت مەترسیی نەخۆشییەکانی دڵ، جەڵتەی مێشك، شەکرە و چەندین نەخۆشیی درێژخایەنی دیکە کەمبکاتەوە.