ئەحمەد محەممەدی چیرۆکنووس کۆچی دواییکرد

 

زانا ئەحمەد محەممەد، کوڕی ئەو نووسەرە کوردە بە تۆڕی میدیایی رووداوی گوت، نزیک کاژێر 02:00ـی دوای نیوەڕۆی ئەمڕۆ باوکی بە نەخۆشی و لە ماڵی خۆیاندا کۆچی دواییکردووە.

 

هاوکات فەرهەنگ غەفوور، بەڕێوەبەری رۆشنبیریی هەولێر لە پەیجی خۆی لە تۆڕی کۆمەڵایەتیی فەیسبووک بڵاویکردەوە، ئەحمەد محەممەد ئیسماعیل "بەقەد قوتابخانە و كتێبخانەیەك كتێب و وشە و چیرۆكی پێشكێشی نەوەی دوێنێ، ئەمڕۆ و دواڕۆژیش كردووە؛ هەموومان قەرزاری ئەوین".

 

ئەحمەد محەممەد ئیسماعیل ساڵی 1941 لە قەزای دووز لەدایکبووە؛ نووسەر و وەرگێڕی 60 کتێبە لە بوارەکانی چیرۆک و رۆماندا، کە بەشێکی کتێبەکانی لە زمانەکانی تورکی و عەرەبییەوە وەرگێڕاون.