ئەلبوومە نوێیەکەی ئەیوب عەلی بە سپۆنسەریی رووداو کەوتە بازاڕەوە

 

ئەلبوومەکە لە 12 تراکی گۆرانی پێکهاتووە و دوو لە گۆرانییەکان فۆلکلۆرن. ئاوازی گۆرانییەکان لەلایەن ئەیوب عەلییەوە دانراون، هەروەها تێکستی بۆ نۆ گۆرانیش نووسیوە، دوو تێکستی دیکەش لەلایەن شاعیر رەنج سەنگاوی نووسراون و تێکستی یەکێک لە گۆرانییەکانیش لە نووسینی جەبار حەبیبە.

 

گۆرانییەکان بەم ناوانەن، 'لێ لێ'، 'هیوا'، 'خەیاڵ'، 'بڵێنمان شکاند'، 'لێم مەپرسە'، 'کۆڵبەر'، 'بۆ دایکم'، 'نامەکانت'، 'رەنگ'، 'پەیکەر'، 'زاڵم' و 'بەیانیت باش'.

 

ئەیوب عەلی لە 24 ئازاری ئەمساڵ، یەکێک تراکەکانی ئەلبوومەکی بەناوی 'رەنگ' بەشێوەی ڤیدیۆکلیپ بڵاوکردەوە و زیاتر لە 111 هەزار بینەری لە یوتیوب هەیە.