لە هەورامان کورتە فیلمێک لەبارەی عەشق لە خانەقادا بەرهەمهێنرا

 

ژیوار محەممەد، بە تۆڕی میدیایی رووداو راگەیاند، چیرۆکی فیلمەکە باس لە ژیانی فەقێیەک دەکات کە لە کاتی خوێندنیدا عاشق دەبێت و تووشی سەرلێشێوان دەبێت، سەرەڕای خوێندن، ژیان و گوزەرانی ھەوڵی دۆزینەوەی عەشقی راستەقینە دەدات و ھەوڵدەدات گیرۆدەی عەشقی مەجازی نەبێت.

 

ئاماژەی بۆ ئەوەشکرد، چیرۆکی کورتە فیلمەکە ھەڵقوڵاوی نێو ژیانی کوردەوارییە و وێنایەکی ژیانی شاعیرە ناسراوەکانە کە لە سەردەمی خوێندنیاندا بەم بارودۆخەدا تێپەڕیون. 

 

گوتیشی، کارەکانی فیلمەکە تەواو بووە و بۆ فێستیڤاڵە سینەماییەکانی دەینێرن، دواتریش پلانی بڵاوکردنەوەیان هەیە و بۆ یەکەمجار دیمەنەکانی لە رێگەی تۆڕی میدیایی رووداو بڵاودەکرێتەوە.

 

'عەشقێک لەخانەقادا' بەرهەمەی بەڕێوبەرایەتیی رۆشنبیری هەڵەبجەیە و لە مانگی تەممووزی 2022 لەلایە موختار حەبیبە لە ناوچەی هەورامان وێنەگیراوە و سەرجەم ستافەکەش خەڵکی هەورامان و هەڵەبجەن.