سەنا بەرزنجە نوێترین ڤیدیۆکلیپی بڵاوکردەوە

 

سەنا بەرزنجە، بە تۆڕی میدیایی رووداوی راگەیاند، گۆرانی 'هەر ئەو کچەم' باس لە خۆی دەکات دوای دەرکەوتنی، هەروەها باس لە دروشمی 'ژن، ژیان، ئازادی' و دۆخی ئەم دواییە رۆژهەڵاتی کوردستان دەکات.

 

ئەم بەرهەمە لە تێکستی ژیار بەرزنجەیە و مەتین پاسایاندی کاری میوزیکی بۆ کردووە و میکس و ماسترینگی لەلایەن هومان عەزمە کراوە.

 

کاری دەرهێنانی ڤیدیۆکلیپی گۆرانییەکە لەلایەن ناسر حەیدەری کراوە و لە کەناڵی تایبەتی سەنا بەرزنجە لە یوتیوب بڵاوکراوەتەوە.

 

سەنا بەرزنجە، لە 2001 لە سەقزی رۆژهەڵاتی کوردستان لەدایکبووە، سەرەتای کارەکانی بە دووبارەکردنەوەی بەرهەمی گۆرانیبێژانی دیکە دەستیپێکردووە، لە دوای بڵاوکردنەوەی چەند بەرهەمێک، شێوەی دەرنەکەوت، لە شابتی 2020 یەکەم ئەلبوومی بەناوی 'راز' بڵاوکردەوە و لە رێگەی ڤیدیۆکلیپی 'من ئەو کچەم' بۆ یەکەمجار رووخساری دەرکەوت.