یارییەکی ڤیدیۆیی گەنجێکی کورد لە 'Steam' بڵاودەکرێتەوە

 

دانیال جۆن، بە تۆڕی میدیایی رووداوی راگەیاند، خۆی ئەم بەرهەمەی دروستکردووە و چەند کەسێکی لە بەرهەمهێنانیدا هاوکاری بوونە، بە تایبەتیش لە رووی ئامادەکردنی ئەنیمەیشنەکانەوە. 

 

گوتیشی، ئەم بەرهەمە ئێستا لە خزمەتگوزاریی 'Steam' بە زمانی کوردی، عەرەبی و ئینگلیزی بەردەستە و بڕیارە بەم نزیکانە لە 'Xbox'یش بەردەست بێت.

 

'End Up Alone' یارییەکی ترسناکی و هەست بزوێنە، دواى بڵاوبوونەوەى ڤايرۆسێكى كوشندە، گەنجێك لە ژێر تاقىكردنەوە رزگارى دەبێت و رووبەڕووى ڤايرۆسەكە دەبێتەوە.