لارا دزەیی دیزاینی جلی 'دەستووری دزەیی' بڵاودەکاتەوە

 

لارا هۆمەر دزەیی، بەڕێوەبەری داهێنەرانەی ئۆوت کیتووەر فیوچەری کوردی و کچی هونەرمەند هۆمەر دزەیییە، لە شاری ڤیەنای نەمسا لە دایکبووە و لە ئەمریکا گەورە بووە، دەرچووی زانکۆی جۆرج مەیسنە لە بواری پێوەندییە نێودەوڵەتییەکان و 15 ساڵە گەڕاوەتەوە کوردستان. 

 

دوای سەرکردایەتیکردنی ژمارەیەک کۆمپانیا و کاری جیاواز و کارکردنی لە کەرتی نەوت و غاز بۆ زێتر لە 12 ساڵ، بڕیاریداوە وەک خولیایەک، پەرە بە دیزاینی جلی کوردی بدات و بیگەیەنێتە کوالێتییەکی بەرز و بیکاتە براندێکی جیهانی. لارا، بە رووداوی گوت: "دەیەوێت هەموو دنیا جوانیی کولتووری کوردی ببینێت". 

 

هەروەها دەڵێت: "هۆشیارانە قوماش و کەرەستە هەڵدەبژێرم و دیزاینی هەر جلێک بکەم، رێک بۆ کەسەکە دەبێت". 

 

لارا ماڵپەڕێکی تایبەتی بە دیزاینی جلەکانی کردووەتەوە و تا ئێستا چەندین کۆڵێکشنی نوێ و سەرنجڕاکێشی کوردی بڵاوکردوونەتەوە، دوایین دیزاینی 'دەستووری دزەیی'یە لە کۆمەڵە دیزایینی زەریا. 

 

لارا دزەیی، لەوبارەوە بە رووداوی گوت: "بۆیە ناوم ناوە زەریا، چونکە زەریا قووڵە و دیزاینەکەش وەک زەریا قووڵ و سەرنجڕاکێشە. کۆڵێکشنی زەریا هەر کەسێک سەیری بکات لەخۆی نزیکی دەخاتەوە".

 

لارا دزەیی لەسەر دیزاینی 'دەستووری دزەیی' لە کۆڵێکشنی 'زەریا'، ئەم پارچە هۆنراوەیەی نووسیوە: