یەک ئۆنسە زێڕ بە 2725 دۆلار مامەڵەی پێوەکرا
رووداو دیجیتاڵ
نرخی زێڕ ئەمڕۆ پێنجشەممە لەدوای کردنەوەی بازاڕەکانی ئاسیا، بەرزبووەوە.
یەک ئۆنسە زێڕ لەدوای کردنەوەی بازاڕەکانی ئاسیا بەڕێژەی 0.3٪ بەرزبووەوە و بە 2725 دۆلار مامەڵەی پێوەکرا.
رۆژی چوارشەممە نرخی یەک ئۆنسە زێڕ تاوەکو 2758 دۆلاریش بەرزبووەوە کە بەرزترین ئاستی بوو لە مێژوودا، بەڵام لەدوای نیوەڕۆی رۆژی چوارشەممەوە نرخی زێڕ دابەزییەوە بۆ نزیکەی 2708 دۆلار.
بەهای دۆلاری ئەمریکی بەراورد بە دراوەکانی دیکە بەرزبووەتەوە بۆ بەرزترین ئاستی سێ مانگی رابردوو، ئەوەش رۆژی چوارشەممە رێگریکرد لە بەرزبوونەوەی زیاتری نرخی زێڕ.
کەمتر لە دوو هەفتەی ماوە بۆ هەڵبژاردنی سەرۆکایەتی لە ئەمریکا و دوو بەربژێر بەپێی راپرسییەکان دەنگەکانیان لەیەکەوە نزیکن. ناڕوونییەکانی پەیوەست بە هەڵبژاردنی ئەمریکا یەکێک بووە لە هۆکارە سەرەکییەکانی بەرزبوونەوەی نرخی زێڕ.