بەهای دینار بەرزبووەوە و 100 دۆلار بە کەمتر لە 149 هەزار دینارە

 

 

حاجی سابیر باواجی، ئەندامی ئەنجوومەنی ئاڵوگۆڕی دراو لە هەولێر بە تۆڕی میدیایی رووداوی گوت، 100 دۆلار بە 148 هەزار و 850 دینار دەفرۆشرێت.

 

هاوکات لە بازاڕی دۆلارەکەی سلێمانی 100 دۆلار بە 148 هەزار و 900 دینار دەفرۆشرێت. پێنجشەممەی رابردوو 100 دۆلار بە 149 هەزار و 300 دینار دەفرۆشرا.

 

ئەوەش لە کاتێکدایە، ئەمڕۆ بانکی ناوەندیی عێراق زیاتر لە 245 ملیۆن دۆلاری فرۆشت، کە 100 دۆلار بە 132 هەزار دینار دەدات. لەو بڕە، تەنیا 7 ملیۆن و 818 هەزار و 920 دۆلاری بە نەختی و ئەوی دیکە بۆ حەواڵە بووە.