ئەم مانگە پاقلەمەنی و دۆشاوی تەماتە بۆ بەشەخۆراکی مانگانە زیاددەکرێت

 

 

نەوزاد شێخ کامیل، بەڕێوەبەری بازرگانی لە وەزارەتی بازرگانی و پیشەسازئی حکومەتی هەرێمی کوردستان بە تۆڕی میدیایی رووداوی راگەیاند، سبەی پێنجشەممە 15-7-2021 دەست بە دابەشکردنی بەشە ئاردی مانگی شەش دەکرێت.

 

نەوزاد شێخ کامیل ئاشکرای کرد هەر سبەی دەست بە دابەشکردنی بەشەخۆرای مانگانەش دەکرێت، لەو مانگەدا جگە لە شەکر، زەیت و برنج، دوو خۆراکی دیکەش دابەشکدەکرێن کە بریتین لە پاقلەمەنی (نۆک، نیسک و فاسۆلیا) و دۆشاوی تەماتە کە یەکەمجارە دۆشاوی تەماتە و پاقلەمەنی دابەشبکرێت".

 

 

ئارد: 9 کیلۆگرام

برنج: 3 کیلۆگرام

شەکر: 1 کیلۆگرام

دۆشاوی تەماتە: 400 گم

پاقلەمەنی: 1 کیلۆگرام

زەیت: یەک لیتر