بەهای دینار دابەزی؛ 100 دۆلار 146 هەزار و 700 دینارە

 

ئێوارەی ئەمڕۆ یەکشەممە، 09-06-2024، حاجی سابیر باواجی، ئەندامی ئەنجوومەنی گۆڕینەوەی دراو لە هەولێر بە تۆڕی میدیایی رووداوی گوت: "هۆکاری دابەزینی دۆلار خواستی زۆرە لەسەری و کەمیی خستنەڕووی دۆلارە لەلایەن بانکی ناوەندییەوە".

 

هەفتەی رابردوو 100 دۆلار بە دەوروبەری 145 هەزار دینار مامەڵەی پێوەدەکرا.

 

حاجی سابیر باواجی گوتیشی، ئەمڕۆ 100 دۆلار بەرامبەر 5 ملیۆن و 850 هەزار تمەنی ئێرانییە.

 

رۆژی 30-05-2024 بانکی ناوەندیی عێراق بە نووسراوی فەرمی 197 کۆمپانیای قەدەخە کرد کە بچنە نێو دەروازەی کڕین و فرۆشتنی دراوی بیانی، ئەوەش بە هۆکارێکی دابەزینی بەهای دینار دادەنرێت.