200 تۆن پەتاتەی هەولێر و دهۆک هەناردەی ئیمارات دەکرێت

 

بەرگەشت ئاکرەیی، گوتەبێژی دەستەی وەبەرهێنانی هەرێمی کوردستان بە تۆڕی میدیایی رووداوی گوت، ئەمڕۆ لە رێوڕەسمێکدا 200 تۆن پەتاتەی سنووری پارێزگاکانی هەولێر و دهۆک بە بارهەڵگر هەناردەی ئیمارات دەکرێت و هەر لەم هەفتەیەشدا 300 تۆنی دیکە هەناردەکراوە.

 

بەرگەشت ئاکرەیی دەڵێت، هەناردەکردنی پەتاتەی هەرێمی کوردستان بۆ ئیمارات لەسەر داوای ئەو وڵاتەیە و وەبەرهێنەرانی هەرێمی کوردستان بە هاوکاریی وەبەرهێنەرانی ئیمارات پەتاتەکە دەنێرن؛ گوتیشی، "بڕیارە لەمەودوا، هەفتانە 500 تۆنی دیکەی پەتاتە هەناردە بکرێت، کە ئێستا نزیکەی 5000 تۆن پەتاتە لە کۆگەکانی هەرێمی کوردستاندا هەیە."

 

گوتەبێژی دەستەی وەبەرهێنان باسی لەوەش کرد، هەریەکە لە ئازەربایجان، کوێت و ئوردنیش خواستیان لەسەر پەتاتەی هەرێمی کوردستان هەیە و داوایان کردووە بۆیان هەناردە بکرێت.