Parlamenterekî îtalî ji ber Rojava diyariya parlamenterên tirk avêt erdê
Hewlêr (Rûdaw) - Parlamenterekî îtalî li Parlamentoya Ewropayê ji ber êrişa Tirkiyê bo ser Rojavayê Kurdistanê nerazîbûna xwe nîşan da û paketeke çîkolatayê ku parlamenterên tirk weke diyarî biribûn, avêt erdê û got, “Tirkiye sivîlan bombebaran dike.”
Parlamenterê îtalî yê bi navê Angelo Ciocca, li civîna Parlamentoya Ewropayê, li dijî êrişa Tirkiyê ya bo ser Rojavayê Kurdistanê nerazîbûna xwe nîşan da û got, “Tirkiye bi ser xelkê sivîl ê li bakurê Sûriyê bombeyan dibarîne.”
Il mio intervento in aula a #Strasburgo: qualche settimana fa la #Turchia regalava cioccolato ai parlamentari !!! Io non accetto regali da chi ha le mani SPORCHE del SANGUE del popolo CURDO !!! Guardate cosa ho fatto... siete d’accordo ??? #23ottobre pic.twitter.com/KpVqE1KMF3
— Angelo Ciocca (@AngeloCiocca) October 23, 2019
Wî parlamenterê Îtalî herwiha got, “Em ji kesên destbixwîn û piştevanên terorê diyariyan qebûl nakin” û ew paketa çîkolatayê ku parlamenterên tirk weke diyarî bo biribûn, avêt erdê.
Angelo Ciocca dîmenên ku ew çîkolata avêt erdê li ser hesaba xwe ya Twîtterê belav kirin û li ser wê çîkolataya ku hat avêtin jî wiha hatibû nivîsandin, “Li Ewropayê na bo tirkan.”