Holendayê ji ber kuştina Jîne Pêşrewê gazî Balyozê Îranê kir

RÛDAW

Hewlêr (Rûdaw) - Wezîra Karên Derve yê Holendayê ragihand ku wan ji ber kuştina zarokekî Holendî di êrişa Îranê ya li Hewlêrê de bi hevtayê xwe yê Îranî re axiviye û bangî Balyozê Îranê kiriye.

Wezîra Karên Derve yê Holendayê Hanke Bruins Slotê li ser hesabê xwe yê Xê ragihand ku di êrişa Îranê ya li Hewlêrê de zarokekî Holendî canê xwe ji dest daye û got:

“Ez îro bi hevtayê xwe yê Îranî re li ser kuştina zarokekî Holendî di êrişa Îranê li Hewlêrê de axivîm. Min gazî Balyozê Îranê jî kir.

Mirina zarokekî di bin salekê de gelekî dilhezîn e. Em hevxemiya xwe ji malbatê û qurbaniyên din ên êrişê re radigihînin.

Ez êrişa Îranê ya li Hewlêrê bi tundî şermezar dikim.”

Di êrişa Îranê ya li Hewlêrê de keça Pêşrew Dizeyî ya 11 mehî Jîne jî şehîd ketibû.