Kati Piri: Erdogan li dijî îradeya xelkê derdikeve

Hewlêr (Rûdaw) - Raportera Parlamentoya Ewropayê ya Tirkiyê Kati Pirî, biryara Desteya Bilind a Hilbijartinan a derbarê dubarekirina hilbijartina Stenbolê de nirxand û got: "AK Partiyê ji bo dubarekirina hilbijartina Stenbolê guşar li Desteya Bilind a Hilbijartinan kir."

 

Karvedanên derbarê betalkirina hilbijartina Stenbolê de berdewam in. Parlamentoya Ewropayê derbarê biryara Desteya Bilind a Hilbijartinên Tirkiyê de reaksyon pêşan da.

 

Raportera Parlamentoya Ewropayê ya Tirkiyê Kati Pirî di vê derbarê de li ser hesabê xwe yê twîtterê peyamek belav kir û got, Serokomarê Tirkiyê û Serokê Giştî yê AK Partiyê Recep Tayyip Erdogan wendakirinê qebûl nake.

 

Kati Piri ragihandiye ku AK Partiyê guşar li Desteya Bilind a Hilbijartinan kiriye û dibêje: "Erdogan wendakirinê qebûl nake û li dijî îradeya gel derdikeve. Ev jî tê wateya ku li Tirkiyê baweriya guhertina desthilatê bi rêya hilbijartinê jinav biçe."

 

 

Erdogan does not accept defeat and goes against the will of the people. AKP pressured YSK to re-run local elections in Istanbul. This ends the credibility of democratic transition of power through elections in Turkey.

— Kati Piri (@KatiPiri) May 6, 2019