Hewlêr (Rûdaw) - Rûsyayê êrîşa roja Şemiyê ya Îsraîlê bo ser Sûriyê şermezar kir û daxwazê jî dike “bê merc” êrîşên ser wî welatî rawestîne.
Wezareta Derve ya Rûsyayê di daxuyaniyekê de dibêje: “Em bi dijwarî kiryarên neberpirsyarane şeremezar dikin ku serweriya Sûriyê û prensîpên bingehîn ên yasayên navdewletî binpê dikin. Em daxwaz dikin yekser û bê merc bên rawestandin.”
Roja Şemiyê çen mûşek li başûrê bajarê Tertûsê yê Sûriyê ku dikeve ser Deryaya Spî, ketin xwarê. Sûriyê, Îsraîl tohmetbar kir û got ku ev “binpêkirina esmanê welat e.”
Îsraîlê di vê derbarê de ti daxuyanî nedan û ev yekem êrîş e ji dema Wezîrê Derve yê Îsraîlê Yair Lapid bûye serokwezîrê karbirêker ê wî welatî.
Li gor Wezareta Berevaniyê ya Sûriyê, di êrîşa ser Tertûsê de du kes birîndar bûne û zerara maddî jî çêbûye.
Berê Îsraîlê êrîşî navçeyên cuda yên Sûriyê kiriye, herwiha hişyarî jî daye ku li her cihekî wî welatî pêgehên Îranê û Hizbullaha Lubnanê bên dîtin, ew dê bikin armanc.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse