Li Deryaya Egeyê 56 koçber hatin desteserkirin
Hewlêr (Rûdaw) – Li navçeya Ayvalikê ya parêzgeha Balikesîrê ya Tirkiyeyê, 56 koçberên hatin desteserkirin.
Ew koçber di nav Deryaya Egeyê de hatin desteserkirin û wan dixwest ku biçin Yunanistanê.
Li Tirkiyeyê di demên dawiyê de zextên li ser koçberan zêde bûne.
Hêzên Ewlehiya Peravan ên Tirkiyeyê, kontrolên xwe yên li bajarên hevsînorê Yûnanistanê û li Deryaya Egeyê zêde kirine.
Hêzên Ewlehiya Peravan li ser gilî ev 56 koçber desteser kirin.
Ev koçber di belemeke plastik de bûn û wan dixwest derbasî Girava Midilliyê ya Yunanistanê bibin.
Hêzên Ewlehiya Peravan, koçber ji deryayê derxistin û ew radestî Rêveberiya Îdareya Koçê ya Balikesîrê kirin.