Li Stenbolê 46 Dayîkên Şemiyê têne dadgehkirin

Hewlêr (Rûdaw) - Îro li Stenbolê dadgehkirina 46 Dayîkên Şemiyê birêve diçe ku 700 hefteyan li pêşiya lîseya Galatasarayê ya Stenbolê çalakî encam didan.

Îro li 21emîn Dadgeha Ceza ya Stenbolê dadgehkirina 46 Dayîkên Şemiyê birêve diçe ku 700 hefteyan li pêşiya lîseya Galatasarayê ya Stenbolê çalakî encam didan.

Dayîkên Şemiyê daxwaza peydakirina zarokên xwe û gorên wan dikirin ku di salên 90an de hatine wendakirin.

Dayîkên Şemiyê ku li pêşiya lîseya Galatasarayê ya Stenbolê ji bo zarokên xwe yên wendakirî çalakî dikirin, di sala 2018an de, çalakiya wan dayîkan hatibû qedexekirin.

Wê demê polîs bi awayekî gelek tund rûbirûyê dayîkên Şemiyê bibûn ku dixwestin çalakiya xwe ya heftane encam bidin.

Piştre di derbarê 46 dayîkên Şemiyê de doz hatibû vekirin. Îro li Stenbolê ew dayîk têne dadgehkirin.